|
|
|
|
|
|||||||
| :: هَمْــ الَونـــاَسَـــــهِ ــسُ :: ترى ألا نحتاج إلى قليل من الضحك والابتسامات الراقية ؟؟ مرح وقصص طريفة بعيد عن الزعل .. |
 |
|
|
LinkBack | أدوات الموضوع | طرق مشاهدة الموضوع |
23-07-2006, 05:27
|
رقم المشاركة : 1 | ||||
|
|
نسوني اهلي بالموزين.....
السلاااااااااااااااااام عليكم
الى الخويا الغالين انا عندي لكم قصه اذا قريتوها قولوا لي رائيكم ,, والسالفه وما فيها ياطويلين العمر ان هالقصه قصه صدقيه وتدور احداث هذه القصه ايام اول .. ايام العسكريم اللي اخره علك وأيام محيسن الجمعان !! وايام اللعبه ذيك اللي نسويها تنسيم الكفرات وننحاش <-=- ابد مايعرف يأرّخ القصه ( كيف كلمة يأرّخ ؟؟ جيــده ولا ؟ ) الزبده انها ايام زمااان ايام العسكريم اللي اخره علك وايام محيسن الجمعان ( خلااااص يخوي عرفنا !!!!!!!!!! ) قبل كل شي احب اشرح لشخصكم الكريم ( صح عليك يالاخلاق ) سالفة اللعبه ام تنسيم سالفتي هذي صارت ايام العسكريم <-=- ام القلق اللي كذااااااااااااااا لا جد والله .. صارت يوم كنت صغير عندما كنت صغيرن كنت من الاولاد اللذين يؤمنون بالملااااهي .. اقدّر شي اسمه ملاااهي .. وكانت اقوى ملاااهي في وقتي ( مب عاقل بقايا الحرب العالميه الاولى ) ,, ملاهي عالم الطفل خخخخخخخخ اييييييييييه دننيييييييياااااااااا كان ذاك اليوم ثالث ايام العيييد وابوي كان مسافر ( احلف ) والله العظيم كان مسافر بس مدري وين ( تهقون رايح مصر ؟ ) <-=- يسمع بمصر خخخخخخخخ عمري ذيك الحزه كان 5 سنوات أو يمكن 6 سنوات .. ولا تدرون خلنا ناخذ المتوسط كان عمري 5,5 ( عمري وانا حر ) اخذنا ليموزين من بيتنا للملاهي ( عادي ماعندنا سواق .. فيها شي !؟ بس ترا عندنا مسبح وقتها !!! ) كان المشوار من بيتنا لعالم الطفل ياخذ ساعه ويمكن ساعتين ولا تدرون خلنا ناخذ المتوسط ( مب كنك فليتها ياحسن الطيب ) ملحوظه : حسن الطيب هذا مدرس رياضيات درسني جميع المراحل ابتدائن من اول ابتدائي لين ثالث ثانوي وازيدكم من الشعر بيت الحين يدرسني تدبير منزلي !!!! مشالله عليه ذا الزول ماتعوق معه اي ماده ههههههههه المهم .. مشوار مدته زي كذا يدل على ان السعر لا يقل عن 30 ريال كحد ادنى ( اجل ساعه من بيتكم لعالم الطفل !! والله لو انكم ساكنين في صلبوخ وترحون لها رجليه !! ) عمومن راعي الليموزين قال لامي بأخذكم للملاهي بـ 35 ريال قالت امي خمس ريال ولا شغّل العداد "امي بعد الله يهديها ماتعرف تكاسر ولا مشوار ابو 35 تخليه بـ 5 ريال !!!! ( لا والله تبيه يوصلكم بلااااش ؟؟ ) ركبت امي العزيزه وركبنا معها وبينما نحن في الطريق الى الملااهي فإذا بذاك الجبل الكبييييييير الذي من كبره حسيت اني نمله ( الشرهه على اللي خلاك تكتب سالفه ياشيييييخ ) امزح امزح .. واحنا في الطريق هفّت نفسي على شاورما من مطعم يامال الشام اللي كان بشارع الوزارات .. فقالت امي لراعي الليموزين ودّنا لمطعم يامال الشام كوكلي ( صح عليك يايمه ) ولدي الطفران يبي شاورمااا ترا راعي الليموزين ماوقف ابد بس انه قال : لا والله !؟ ما ودك بعد تاخذون لفّتين على حديقة الحيوانات ثم بعد ذلك نسيّر على بنت خالتك وناخذ بساط ونطلع نكشت !؟؟؟؟ قالها وهو يضحك .. يقاله ان امي بتقول لا ههههههههههههههه الله يرج ابليسك يايمه المهم .. رحنا ليامال الشام واخذت لي ثلاثه شاورما خفيف مونينيز كتشب شطه ( وتبي تقنعنا ان عمرك خمس سنوات بعد ) !!! بعد ما اخذنا الطلب اتجهنا الى عالم الطفل .. عالم الطفل وما ادراك ما عالم الطفل انه العالم الذي بقدرت قادر تدخل وش زينك تضحك .. وتطلع ماسكه على صياااااح ههههههههه سحقن لهذا العـــــــــــــــــــــــــــــــــــــــالم ماعلينا .. يوم وصلنا لعالم الطفل وجينا ندخل قالت المزّه اللي عند الباب ( مزه اجل ! ) قالت مافيه دخله ولدك ذا شكله ماعجبني !!!!!!!! انععععععن امها تقول ما عجبتها وما تبيني ادخل !! .. وقتها كان في راسي اسحب تنورتها وانحااش ( صح يالجريه ) بس اني قلت مالها داعي افشل امي عندها فقررت اني اقعد عند الباب وامي تدخل ,, هقوتن مني ان المزه بترحمني وتدخلني لكن هيهات لي ان ادخل وذا المصريه مستقعده ملحوظه : مزه تعني فتاة للي مايعرف معناتها !! وانا تاكي عند الباب لقيت عائله توهم جايين فقررت اني ادخل معهم (تستهبل انت !! جاي مع امك ولا دخلت !! بتدخل مع العائله !! ) وش اسوي طيييييب قولوا لي وش الحل !؟ المهم احسب اني بذا الحركه بألخمها وبدخل ,, بس يقول المثل : وقف ووادعني ترا العمر ساعه ,, ما هقوتي باقي من العمر باقي !!! اخر شي مسكت معي اني ادخل باللعنه او اختها .. فقررت اطب ( النظام المدرسي الله لا يخلينا ) هههههههههههههههههههههههههه رحت ادور لي مكان اقدر اطب منه .. فجأه لقيت شبك وقررت اني ادخل من عنده ,, فتم ذلك ودخلت الملاهي وبينما انا اسير في ممرات وسراديب وأزقّت القصر فإذا بذاك الجبل اللي شفته قبل شوي وحسيت اني نمله عنده يطلع لي مره ثانيه ( لعاد تكتب سالفه تكفى ) لا جد ,, شفت لكم ذيك الفتاة اللي من يوم شفتها حسيت ان فيني رغبه جامحه رغبه غير طبيعيه بأني العب معها سيارات تصادم ( صح عليييييك انت ورغبتك يالسبيكه ) المفروض اول شي اسويه اروح لامي اقول لها اني دخلت واني ابي فلوس عشان العب بس من شفت الفتاة ذي حسيت ان فيني رغبه جامحه رغبه غير طبيعيه ...... ( يازين من رفسك ) الزووووبده من شفتها وانا ضايعتن علومي لدرجة اني رحت عندها وقلت : تعرفين من ابوي ؟ ( وش عنـــــــــــــــــــــــده ) قالت لا والله ما عرفت .. قلت خلاص اجل شوي ونسافر !!!!!! ( الله يرجني وش فيني منلحس !! ماعرف اسولف ) قمنا نلعب انا وهي وصرنا اصدقاااء وكل ماجينا نلعب لعبه قلت يووووووووه شوي بس خلني بروح اخذ فلوس من امي واجي .. تقوم هي وتقول لا ياخي وش دعوه فلوسي وفلوسك واحد ( هع ثبتت نفسها زوجتي !! ) عاد انبسطت انا ,, بلعب بلااااااااش ( تحمد ربها بعد اني بلعب معها .. ولا ؟ )لعبناااا لعبناااا لعبناااا لين دخنااااا وصار عندنا ليل !! البنت طفّرت وانا سحبت عليها ورحت العب مع غيرها ( اوووكي الخياااااااااااااانه ) شافتني امي وانا العب .. نادتني ثم قالت : أمي : طفرااان شلون دخلت !؟ أنا : سباحه !! .. مع الباب يعني شلوووون !؟ ( قلتها وانا مبتسم ) امي : عناد لك يوم انك تستخف دمك بنروح البيت الحين !!!!!!!! ( يؤ .. ماينمزح معها ذي ) انا : يمه امزح ماعيك ماابي ارووووح للبيييييت .. ابي إلعب .. وحياة ابوي عندك تخليني إلعبب مع البنيات أمي : لا مافيه يالله مشينا انا : ينعن ام اللي يجي معكم مره ثانيه ( قفلت الاخلاق ) أمي : يالله انت وراسك ذا اللي كنه قمر !! ( أتمنى من الجميع التوضيح : وش كان قصد امي بذا الذبه ؟؟ هل تقصد ان راسي كبير ولا انه حلوو ؟؟ ) أرجو الإفاده !! يوم شلنا اغراضنا وترامسنا وتمرنا وفصفصنا قالت امي باقي معي تذكرتين بروح ارجعها ( وش ذا الام بالله ؟ معها تذكرتين وماتبيني ألعب .. استقعااد ) رجعتها امي وطلعنا عند الباب ,, طبعن واحنا طالعين شافتني المزّه اللي عند الباب وتنحت لوهله .. ناظرت فيها وسويت لها خمس ارقام وقفنا عند البوابه نحتري ليموزين .. فجأه وقف راعي ليموزين وطلع خوينا ماغيره .. يوم شافني وشاف امي قال على وين انشالله .. لا يكون الشرقيه ذي المره وبخمس ريال ؟؟؟ ( ماينلام الضعيف ) قالت امي لا وانا امك نبي بيتنا بس بنص السعر ذي المره صرنا زباين عندك !!!! المسكين طلع فوق راسه علامة تعجب من القهر .. قال يالله مو مشكله اكسب فيكم اجر انتي وبزارينس ركبنا الليموزين واحنا في منتصف الطريق هفت نفسي على نص حبه بخاري على شويه سلطه على قليل من الشطه مع لتر لبن !!!! فقالت امي لراعي الليموزين ودنا لأقرب بخاري .. ناظر فيها راعي الليموزين وقال : وش وضع امكم انتي وعيالس !؟ لا يكون خوالكم افغان !!! .. قالت امي اهااااا عاد لا يكثر ورح لاقرب بخاري لا اهفك بذا النعووووووول .. انقطم راعي الليموزين واكل تبن وراح للمطعم .. اخذنا الطلب وقمت اكل في السياره !! بتقولون وين !!؟ بقول والله مدري بس لحد يدقق هماها سالفه يعني اووووووووووص ولا كلمممممممممممه .. لا تناقشوني خلاااااااااااااااص ههههههههههههههههههههههههههههههه بعد ما اكلت الهابي مييل حقي ( عادي أفغاني صغير ) .. تخدرت وخثرت وجاني النوم والبيت مشوااااار على بال ما نوصله قلت لامي ابي انام قالت طيب رح نام ورى عند القزاز ( سريرنا اول .. حصرياً لأفراد عائلتنا ) نقزت لورى واخذت وضع الانبطاح ووجهي بإتجاه السيارات اللي ورانا وخذلك استهبال عليهم واحد اطلع له لساني وواحد اطلع له شسمه ذا وواحد اغمض وافتح عيوني فجأه ,, يقالي بأعرف وش بيسوي وانا مغمض ههههه يعني حركات بزارين لا تشرهون آخر شي نمت من التعب والاستهبال .. وصلنا البيت وليتنا ما وصلنا .. تخيلوووووووووووووو يوم وصلنا نزلت امي واخواني و الشغاله ونسوني نايم ورى !!!!!!!!!!!!!!!!!! هل يعقل هاذا ليش طيب ليشششششششششششششش ؟؟؟؟؟؟ لذي الدرجه يبون يتخلون عني وانا ولدهم الرائع الجميل !! لذي الدرجه هانت عليهم العشره !! منكم لله .. ربنا ع الظالم نزلوووو وخلوني منبطح وناااااااااااايم .. طبعن راعي الليموزين ما صدق على الله ان امي وعيالها ( منت بعاقل ياولد الجيران !! ) .. نزلووو أول ما نزلوووووو مشى راعي الليموزين حتى اذكر ان عباية امي علقت في الباب ( ماعرفنالك انت !! نايم ولا وش وضعك وقتها !؟ ) ههههههههههههههههه مشى راعي الليموزين وانا ورى ناااااايم .. فجأه وقف راعي الليموزين عند الاشاره وجيتك مجاوب على خشتي من الخلف .. راعي الليموزين وقتها شك انه في بيت مهجوررر مب سيارته ( بايخه الذبه ادري بس هذي اللي طلعت معي ) انهبل الضعيف يحسبني سكني ( سكني ولا تجاري ) هي هي هي ( ودكم تطقوني على سذاجتي صح !؟ ) عادي وسعوا صدوركم .. بعد ما وقف قمت انا من الفجعه اصيييييح انلحس الرجال ولسان حاله يقول ( شسااااااااايفه ياولد !!؟ ) بعد ما شافني وعرف اني ولدهم .. ومن اللحسه اللي انلحسها الزوول بدال ما ياخذني للبيت خذاني لقسم الشرطه !!! وفي القسم قامواا يحققون معي ويفتشوني .. وطقووو برنت يشوفون علي مخالفات ولا لا وهل راعي البقاله يطلبني شي ولا لا ! المهم ,, جت امي وعمي وخذوني من القسم .. وابوي الى يومكم ذا وهو مايدري بالسالفه خخخخخخخ الله يرجك يايمه ماتبين تتطلقين هاه بس هين والله لأعلم <-=- لعييييييييين زبدة السالفه : لو ان السوداني ماخذني ومربيني مع عياله وش كنت بأصير الحين ؟ أ- الاول ع الجامعه ب- سمكري في الصناعيه ج- مدرس خصوصي وهذي كل السالفه اقروها وعطوني رايكم ..... |
||||
    |
|
23-07-2006, 05:44
|
رقم المشاركة : 2 | ||||
|
|
ههههههههههههههههههههههههههههه |
||||
|
|
|
23-07-2006, 06:04
|
رقم المشاركة : 3 | ||||
|
|
من طول سالفتك مالوم امك يوم تقول راسك قمر |
||||
|
|
|
23-07-2006, 06:58
|
رقم المشاركة : 4 | ||||
|
|
هههههههههههههههههههههههههههههه |
||||
|
|
|
23-07-2006, 09:44
|
رقم المشاركة : 5 | ||||
|
|
وااااااااااااااااااااااااااااااا |
||||
|
|
|
23-07-2006, 11:45
|
رقم المشاركة : 6 | ||||
|
|
ههههههههههههههههههههههههههههه... |
||||
|
|
|
26-07-2006, 02:33
|
رقم المشاركة : 7 | ||||
|
|
شووووكرن خويي حسوووون عالمرور |
||||
|
|
|
26-07-2006, 02:36
|
رقم المشاركة : 8 | ||||
|
|
شوووووووووكرن عالمرور ملوووكه |
||||
|
|
|
26-07-2006, 02:36
|
رقم المشاركة : 9 |
