السلام عليكم ورحمة الله وبركاته


والطريقة سهلة بالحيل وان شالله يكون شرحي واضح لكم:

المقادير :

- 1 كوب طحين ابيض
- 1/2 كوب سميد
- بيضة
- 3/4 علبة قشطة ( التاج او غيرها)
- 3/4 زبدة تقريبا 75جم ولازم تكون لينة يعني طلعيها من الفريزر قبل ماتبدين بوقت كافي
- ملعقة صغيرة بيكنج باودر
- رشة فانيلا

الحشوة : جبن كيري وتقطع القطعة الواحدة الى قطع صغيرة تقريبا 9 مكعبات صغيرة ..

نجي للطريقة :

اول شي نعجن المقادير كلها مع بعض باليد ونفردها ونقطعها دوائر قطر الدائرة تقريبا 6 او 7 سم يعني بحجم كوب الجبن .



- نأخذ دائرة وحدة ونضع بوسطها قطعة الكيري الصغيرة ،، وبعد كذا نقطعها على شكل (+) لكن بدون الوصول للوسط فقط الاطراف .

- نلف الجانب الأول على الحشوة ثم الثاني وهكذا حتى تتكون لدينا شكل وردة جوري .


- نصفها في صينية تيفال وندخلها الفرن على درجة حرارة متوسطة من اسفل وبعدها نحمرها من اعلى تحمير خفيييييف مره حتى ماتذوب الجبنة . ثم ترش بالشيرة ..

وبالعافية على قلوبكم



مـــــلاحــــــظــــــة :

ممكن نستبدل حشوة الكيري بحشوة توفي ( حلاو البقر) نقطعة قطع صغيرة ونحشيها وانا افضل حشوة التوفي على حشوة الكيري لانها اطعم لكن ماكان عندي توفي ..
وممكن تستخدمين كل الحشوتين يعني تحطين قطعة توفي مع قطعة كيري ..