قلب جريح منك من يشتكي له
ينبض وهو لازالت النار تكويه
ضاع الوفاء والغدر ضيع دليله
وحبل الخيانة طولي فيه والويه
من يوم قابلتي الوفاء بالفشيله
نجمك هوى ثم احترق ما التقطيه
وإذا حلفتي لي أبقول احلفي له
بيني وبينك أنسي الماضي أنسيه
ألأيام تثبت والليالي كفيله
تظهر اللي كانت الصناديق تحويه
أيام والمسجون يخلى سبيله
وأيام واللي لبس ثوب يبليه
وأنا متى شفت الزمن شد حيله
باطنشك واللي يناسبك سويه
أحسن لي اقصرها ولوهي طويلة
وأحاول أنسى ذكر ماضيك وامحيه
منتي بداية عمر وألا رحيله
مستقبلي ماقد فقت ألأمل فيه
والله لا أبيع الهم للي يكيله
وان أتحدى الليل وأنام واطويه
وأنتي وهمك عندك اللي يشيله
وإذا ندمتي لأجل ماضيك فابكيه
امشي على جمر الندم واصبري له
وجربي حره متى ماوطيتيه
وارضي فضولك لاتكوني بخيله
قصي شعرك وبردي حرتك فيه
العرض العادي
