[all1=999999]




نحمـد ولـي العـرش رب البريـه
الخالـق المعبـود رب السمـوات

الواحداللـي مـا لقيـنـا سمـيـة
فردٍ صمد ومجيب كـل الدعـوات

على قضا امره فـي حكـم المنيـة
سنه لا ينفعهـا قـدر ومقامـات

مات الزعيـم اللـي عليـة التحيـة
مات الفهد لا شك الذكر مـا مـات

رحل ابـو فيصـل عظيـم السجيـة
يالله عسى حظه كبيـر الدرجـات

فرقا الفهـد واكبرهـا مـن بليـة
الموت حق وكلنا له على اوقـات

قبـل الفهـد عبراتنـا مستحـيـة
وعقب الفهد سقنا دموع وعبـرات

ابـو اليتامـى ومجـزلٍ بالعطـيـة
قاد البلاد بحنكـةٍ عنـد الأزمـات

لك العهد عقبـك نصـون الوصيـة
ولك الوطن نحمية من كل عثـرات

والمملكـه تبقـى وعـد معتلـيـة
تحرم على الحاسد ولو بضع مترات

واللـي جمعنـا بـك بدنيـا فنيـة
يـارب تجمعنـا بنهـرٍ وجـنـات

والشعب جالـك يابومتعـب سريـة
جدد لـك البيعـة بكـل الصلـوات

لك الولاء سمـعٍ وطاعـه وحميـة
نفدي الوطن بالروح طيب وكرامات

نعاهـدك تبقـى بـلادي عصـيـة
واللي نواهـا للنـدم والحسافـات

في بيعتـك جينـا لقـدرك سويـة
جينا رضا وبطيب ماهي غصيبـات

وعلى ولـي العهـد سبـاق طيـة
سلطان يا ذخر العرب لك تحيـات

ياخـادم البيتيـن واظــلال فـيـة
قدرك كبيـر ولا يقـاس بعبـارات

ياخـادم البيتيـن ويـا نـار حيـة
على العدو واللـي بغانـا بسيـات

يا كاسـب العليـا عليـك الرعيـة
وحنا لكم يـا سيـدي بالمهمـات

حنـا سيوفـك واليميـن القـويـة
وحنا نفوس مـا تهـاب المنيـات

قـرة عيـون بشوفتـك واهنـيـة
شعبٍ رفض في ديرتـه الخيـارات

عبدا لله المحشوم مـن كـل سيـة
مثله فلا يحتاج مـدح وشهـادات

علـى نبـي الله وهـادي البـريـة
صلوا على المبعوث للناس رحمات


عسها تعجبكم


[/all1]