^ ملتقـــى الشــاعر فـهـــد المسـاعــد ^

همس الإح ـساس · 01-09-2008, 09:42

بسم الله الرحمن الرحيم

أعزائي , عشاق الشعر ..عشاق الأبداع ..

عشاق الكلمه والحرف

حين تأتي مقفاهـ .. وحين تأتي عمودية ..

ويحق لنا العشق ..
ما دامت جزيرتنا العربية ضمت
أشهر وأروع من كتب الشعر .. وترنم به ..

,’,

بأختصار ..

" مــــــلتـــــــــقى شـــــــاعــــــر "

أعجبتني الفكـره وحبيـت أطرحهـا هٌنـا طبعـاً بعد إذن مشرفي القسم

هو موعدنا الأسبوعي مع مبدعي الشعر ..

بحيث يكون لكل أسبوع ملتقى لشاعر معين ,,

ليضم الموضوع أجمل ما كتب هذا الشاعر

من قصائد مكتوبة أو مسموعة ..

في نفس الركن , مع إختلاف الأذواق والأهواء ..

ويكون الإختيار من قبل الأعضاء بترشيح من قبل مشرف القسم ,,

ملتقانا هذا الأسبوع ..

مع الشاعر الفذ : :

فـــــهــــــــــد المــــــســــــــــاعــــــــــد

منهم روعة الأبداع , ولنا جمال الإنتقاء ..!!

دمتم بحفظ المولى ..

/

\

/

هـمس

شمـــوخ · 01-09-2008, 09:49

بصــــرررررراحه فكره رائعه,,

وأنا ببدأ معك

شمـــوخ · 01-09-2008, 10:03

هذي قصيدة مــــي,,,

مي هذي مثل طلّ الصبـح لأغصـان الحدايـق
يبتسـم قطـر النـدى لاباسـتـه أو باسـهـا

مي هذي بنت لامن شفت صدر الليل ضايـق ..
أدري ان عيون مـيّ اليـوم طـال نعاسهـا !

من هنا تصحى ويصحى الحب في عيون الخلايق
ومن هنا تغفى وتنسى الارض ضحكـه ناسهـا

يسعد الله قلب ميّ اللي كثـر ماهـوب بايـق ..
..من قلوب الخلق..مااذكر مـرّ يـوم وداسهـا

لأن مي أرق بنت..ولو قسـت ماهـوب لايـق
حيّرتني مي..الأجمل : هـي..والا أحساسهـا !؟

بالها لاضاق زانت..كيف لامن صار رايـق!؟
في انتباهتها براءه..كيـف اجـل هوجاسهـا !؟

العمر لو كـان ضحكـه مـي تكفينـي دقايـق
بس اخاف ان مت..تحني مـي فوقـي راسهـا

مي لـو تبكـي لموتـي مالـي الا افـز فايـق
من قبـل لاامـوت أكثر..مـن نشيـج انفاسهـا

مي .. لاتعطين بال لمن يقـول المـوت عايـق
الجسـد موتـه يفـك الـروح مـن حراسهـا

ماأحبك فـوق الارض وبـس ياكـل الخلايـق
حتى تحت الارض أحبـك يابعـد مـن داسهـا

مي لو ماقلـت فيهـا بيـت واحـد ماتضايـق
لأن مالي شعـر ينشـر لـو رفـض كراسهـا

ومن جد فهد المساعد ×× شاعـــــر يكتب بقلبه مو بقلمه
وتبلي مروري,,,

همس الإح ـساس · 01-09-2008, 10:54

تسلميلي حبيبتي شموخ ع التفـآعــل

ان كنـت نـاوي تسافـر .. لاتودّعـنـي
بس انتبـه .. لا تسافـر قبـل مااشوفـك

<< حيييل حييل آعجبني هـ البيت للمميــز فهد المسـآعد

قناديل المحبه · 01-09-2008, 11:41

مساحه للتنفس النقي ,
ودعوه لرؤية جمال الأحاسيس
التي تحاكي النبض ..,,

سـ استمتع كثيراً بهذا الملتقى ,
الذي سـ نقرأ فيه أبداع شعرائنا " من الهمس "
أو غيره ..,,

الأحساس همس ,,

أكثر من رائعه أنتِ ,

فـكرتك جداً راقت لي , تستحق التثبيت ..,,

لكِ الشكر يارائعه ولن يفي ..,,

ولي عوده بإذن الله لــ نثر روائع فهد المساعد ,
لـ يزداد المتصفح ألقاً ..,,

* ملاحظه أتمنى التقيد بها ..,,

من أراد وضع قصائد مسموعه ,
عليه أن يضع قصائد خاليه من صحبة الموسيقى ..,,

ولكم كامل الود والأحترام ,,

قناديل المحبه · 02-09-2008, 12:27

قصيده للمتألق فهد المساعد ,
تلامس حال واقعنا ..,,
أبدع فيها كـ عادته ..,,

أليكم الرائعه ..,,

)) زمـــــــــان الدجـــــــى ((

بعد التعب عودت مثل أي أنسان ,,
بـ انسى همومي مثل ماالناس ناسين ..

قعدت أقلب في الفضاء كوم بلدان ,,
من شاشة لـ شاشة و لا أدري على وين ..

قلت أنبش هموم و كواليس الأوطان ,,
و أشوف هالحين في ويش لاهين ..

أول قناة وفلم عن قصة أخوان ,,
حبوا فتاة و فرقت بين الاثنين ..

ثاني قناة و وجه أو لوحة ألوان ,,
من لبسها وش لبسها ربك يعين ..

ثالث قناة و رقص وأضواء والحان ,,
أجساد معروضة من يدين ليدين ..

رابع قناة شاب من بين نسوان ,,
يشرح لهن بـ امعان عن موضة ألفين ..

خامس قناة و من صبايا لـ فنان ,,
لا والله إلا زغردي يا فلسطين ..

سادس وسابع كلها حملة أعلان ,,
ثامن و تاسع مثل باقي العناوين ..

عاشر قناة ومنظر يهز الأبدان ,,
من شوفته ضاقت على دمعي العين ..

قبله وأنا تحت الغما بين جدران ,,
حول الحطب وأقسى على البرد ويلين ..

و بعده وأنا تحت السماء فوق طوفان ,,
وأحس في صدري سواة البراكين ..

منظر طفل دينه نسخ كل الأديان ,,
مسلم يعرف الله قبل ينطق السين ..

منظر طفل مسلم من بلاد الأفغان ,,
بين المطر والبرد والجوع والطين ..

عاري وخايف لان كم طفل عريان ,,
في مثل عمره أندفن قبل يومين ..

جايع ومن كثر القناعة والإيمان ,,
يسكت ويقرا الحمد ويقول آمين ..

صوته عتاب ورعشة إيدينه أحزان ,,
و نظرة عيونه مثل طعن السكاكين ..

في قلب من له قلب مفعم بالايمان ,,
وفي عين من له زمان الدجى عين ..

يا رب يـ اللي عندك الناس سيّان ,,
تّجار وضعوف وعبيد وسلاطين ..

حنّا عبيدك وأنت ياعالي الشأن ,,
أدرى بخبث و غطرسات ..........

يارب تدحر كيد عُباد الاوثان ,,
و تعز ناس همّها نصرة الدين ..

همس الإح ـساس · 02-09-2008, 09:07

قناديـل المحبــه
آنتي الرآئعـه آختي ..,,

وآشكـر لكِ التثبيت

,’,

نبذه عن فهـد المسآعــد

واكتب نبذه بسيطه عنه ( على حسب معلوماتي البسيطه عنه) :

# اسمه الكامل : .. فهد بن فالح بن مساعد السبيعي...
# ولد في الرمحيه.. التابعه لمدينه الرماح
# اشتهر بقصيده المدينه والغريب في بيته االشهير...

( جا يشوف الحال كيفه ؟ بعد ماهزه حنينه وقبل سألني .. سألته "كيف حالك يالحبيب.."
قال "انا كني غريب ضيع دروب المدينه " قلت "انا كني مدينه تتنتظر رجعه غريب".. )

# وهذه قصيـده لـه رثاء في الأمير الشاعر طلال الرشيد.

بعنوان صــــديــــــق الـطفــــــولـــــــه

فقيد الرجوله وين حطت بك الأقدام؟
انا ما تخيلتك تزور اللحد قبلي

عقيد الطنايا شيخ شمّر ذرى المنضام
حفيد الجنازه بلوة اللي بلا المبلي

عقيدٍ لقومك.. بس تبكي عليك أقوام
من الساحل الشرقي الى الساحل القبلي

أنا لا ذكرتك طاح راسي على الأكمام
اسولف لقلبي عنك.. وأبكي على مهلي

أسولف عن أول مرةٍ جيت قبل العام
و شفتك بعيني مثل ما كنت في عقلي

امير و عظيم و شاعر و فارس و مقدام
سجلّ البياض اللي بنقش الذهب مطلي

سنافي شهم فزاع .. لا قام يعني قام
يغيث الضعوف .. ولا يقول الوبل وبلي

طلال .. الشهامه نكّست عقبك الأعلام
الا من قتل خيّال وش نفعة الرجلي؟

طلال .. الأوادم كلها من لحم و عظام
تعيش و تموت بصمت تالي ورى متلي

عداك انت يا من عشت عمرك عظيم اشمام
وقفت فـ مماتك تنتخي: (من نوى قتلي؟)

رحيلك بنى للحزن وسط القلوب خيام
و وداعك جعل كف الثرى بالدمع مملي

عسى من لبست لخشيته فـ رمضان إحرام
و دعيته ( يا رب اكرم نهار الحشر نزلي )

يعوّضك عن دنيا بها حاسد و نمّام
و يرفع مقامك عن مقام البرى السفلي

قناديل المحبه · 03-09-2008, 01:54

ومازلنا نتنفس شعراً , روائع المساعد ..,,

قصيده لها مكانه بـ القلب ..,,

)) يــا غـــايـبــــه ((

يـا غايبـه وإن كـان فيهـا جمالـه ..
تجمّلـي يـا امّ الحـلا والظفـايـر ,,

بالله شوفـي صاحبـك كيـف حالـه ..
شوفيه في غيبتـك وشلـون صايـر ,,

صارت حياته ضيق خلق .. وبطالـه ..
هم .. وسهر .. واوراق شعر و زقاير ,,

يعني حبيبـك صـار حالتـه حالـه ..
ماباقـي إلا إنّـه يــدنّ العبـايـر ,,

الله لامنّـه ذكــر مــا مضـالـه ..
قبـل الدوايـر مـا تجـرّ الدوايـر ,,

يـوم الطفولـه والشقـا والجهـالـه ..
يوم الكبايـر فـي عيونـه صغايـر ,,

أيـام كـان معـانـده راس مـالـه ..
و يسـوق لـ هبـال الشقـاوه بشايـر ,,

ياما أمتلـى بالحـب والطيـش بالـه ..
وياما امتلت من شخبطتـه العوايـر ,,

يكتـب عليها عاشـقـك للثمـالـه ..
ويخـط توقيعـه جريـح الضمايـر ,,

ياما إشتكاه أبـوك فـي بيـت خالـه ..
وياما تحصّل مـن هـواك العزايـر ,,

مـرّه حلـف بـ انّـه يبطّـل هبـالـه ..
وقبـل يكمّل .. فـكّ اخـوه الستايـر ,,

ثـم طالـع الشبـاك ..لينـك قبالـه ..
وفـ اقل من لمح البصر جاك طايـر ,,

علـى صغـر سنّـه مميّـل عقالـه ..
كاشخ وناسـي لا يصـكّ الزرايـر ,,

لا شافـك يتمتـم لحالـه بحـالـه ..
لـ عيـون هالشوفـه تهـون الخسايـر ,,

ولا شاف زول ابوك .. حذّف نعالـه ..
الحب جاير .. لكـن العـود جايـر ,,

طفلٍ يتيـم ورغـم الأحـزان دالـه ..
ما يدري إن حظه مع الوقـت بايـر ,,

كنتي طموحه .. كنتي أغلـى حلالـه ..
كنتي وصرتي .. بس يـا ام الظفايـر ,,

طفلٍ زرع من ضحكتك فـي خيالـه ..
لين أثمـرت شعـرٍاً هزالـه حرايـر ,,

لا تتركينـه فـي غيـابـك لحـالـه ..
بالله شوفي كيـف هالطفـل صايـر ,,

ووحده بــ وحده كـان عنـدك عدالـه ..
اتبطّلـي غيبـه ... وابطّـل زقايـر ,,

دمتم بخير ,,

فرآآآشة المدينة · 04-09-2008, 12:14

من قصائد الشاعر / فهد المساعد

اتمنى لكم طيب الإستماع

كبوة جواد

" تم إزالة الرابط "

//

صعب لامنك فشلت وصعب لامنك لقيت
ان من يكره نجاحك يدري انك ما نجحت

امس ضقت ورحت اقلّب ذكرياتي وانتهيت
عند صوره طفل صوته مثل صوتي لا انجرحت

وش مثل .. لا و الله الا هذا انا يوم ابتديت
انطق حروف تلعثم في لساني لا انمدحت

هذا انا يوم الحياة بنظرتي عشرين بيت
ومسجدين ومدرسه من طين كم فيها اصطبحت

هذا أنا اصبحت اتمتم ( هذا أنا ) حتى بغيت
اختنق بس القدر عيّا على موتي وطحت

وصاح صوت الطفل فيني انت من وين ارتميت
قلت انا المستقبل اللي فيه كم همت وطمحت

امس كنت ابيك تكبر بس والله لو دريت
اني ياللي عشت لاجله متّ عندك واسترحت

لو دريت إن الزمان يجر رجلي ما عديت
و لو دريت إن البحور بلا مواني ما سبحت

كان دربك لي طويل وكل ماشفتك هويت
قلت لك كبوة جواد وماكبيت الا جمحت

ليه تسمعني وتمشي آآآهـ ليتك مامشيت
وآه ليتك من كثر عثرات الايام انتصحت

ضاعت احلامي وظل الحزن فيني واهتديت
للطريق اللي يوديني على دمعي ورحت

يالحزن ليتك مثل دمعي وتنزل لارقيت
بس اعرفك لو مسحت الدمع تبقى ماانمسحت

كان حلمي في وجود انسان يبكي لابكيت
وصار حلمي في وجود انسان يفرح لافرحت

كنت اشوف الناس مثلي كل ماجعت وظميت
مادريت ان الاوادم ناس فوق وناس تحت

آآآهـ يا أول ذكرياتي خذني افحضنك نسيت
أسألك عن وجه ابوي اللي معه ياماا سرحت

خذني افحضنك ابغفى يااااهـ مبطي ماغفيت
وان لمحت دموع عيني سو نفسك ما لمحت

خذني افحضنك وبعثر في جروحي وان قضيت
هزّ لي كتفي وقل لي عيب تبكي لو سمحت

إضحك وعلّم زماني من على ومن وين جيت
طقّ باب الحزن واصرخ فيّ لامني فتحت

وضمّني يمك وكمّل ضحكتك لامن بكيت
ودّي اذكر كيف كانت ضحكتي لامن فرحت ..!

//

هموووووووووسه

يسلموووو يالغلا الفكرة جنان

وان شاء الله تروق مشاركتي لذائقتكم

لاعدمناكِ

تحيــــ فوفوــــــــاتي

فرآآآشة المدينة · 04-09-2008, 12:22

قصيدة (سالفة عشاق) لفهد المساعد

من اروع القصاائد ..

من بغى الفرقا لقى له عذر وأسباب ودليل
خلى عنك العذر والأسباب دام الحب ضاع ..

كان ودك بالفراق أبشر عسى عمرك طويل
لا تردد وإنت لك كلمة ولك أمر ٍ مطاع ..

لي عليك إنك تبت بكلمة تشفي العليل
ولك علي إني لأوقف وقفة الرجل الشجاع ..

لا تجاملني مخافة قال ما أدري خوف قيل
عمر هرج الناس ما يسمن ولا يغني جياع ..

كان قصدك سر حبك أوعدك لأصبح بخيل
وأحمل أسرارك معي للموت قدر المستطاع ...

بس قلها .. قل ( ما أحبك ) وأبشر بصبر جميل
لا تحسب إني مثل من طبعهم لوي الذراع ..

صاحبك ما هو كذا يا صاحب القد النحيل
صاحبك طبعه غريب وغربته غربة طباع ..

في الهوى ما يقبل الحل الوسط ولا القليل
مثل ما هو لا شرى يشري ليا من باع باع ..

ثابت لو هي تميل الأرض حدره ما يميل
يدري إن الفقر ما هو عيب والدنيا متاع ..

ما عشق لذة حياته كثر عشق المستحيل
ولا كره حتى مماته كثر كره الانصياع ..

كم تعلم من شديد البدو وش معنى الرحيل
وكم تعلم من غروب الشمس وش معنى الوداع ..

كم تعلم من سحاب الصيف وش معنى الحصيل
وكم تعلم من ليالي البرد وش معنى الضياع ..

إيه أنا هذا طريقي موحش وصعب وطويل
وإنت لا منك تعبت العالم فجوجه وساع ..

إعتبرني في بداية سكتك عابر سبيل
رح وأنا قلبي معك من وين وجهت الشراع ..

يكفي إني لا انذكرت في سالفة عشاق قيل
عاشر أحبابه شجاع .. وفارق أحبابه شجاع ..

تحيـــ فوفوــــــاتي

بقايا ليل · 04-09-2008, 12:52

اسعدكم ربي جميعا

فكره رائعه اختي وانتقاء قيم

جزيل الشكر لكم جميعا فقد استمتعت كثيرا هنا

امهلوني بعض الوقت وساكون معكم لعشقي لتذوق الشعر

شكري تقديري وتقييمي لصاحبة لفكره

تحيتي وودي للجميع

قناديل المحبه · 04-09-2008, 01:27

اقتباس:

* ملاحظه أتمنى التقيد بها ..,,

من أراد وضع قصائد مسموعه ,
عليه أن يضع قصائد خاليه من صحبة الموسيقى ..,,

الرجاء الألتزام أحبتي ..,,

فراشة المدينه ..,,

رائعه بـ إنتقائك كبوة جواد & سالفة عشاق ,
من أجمل ماقرأته للمساعد ..,,

أشكرك على ذائقتك المميزه ..,,

ودمتِ بخير ,,

همس الإح ـساس · 04-09-2008, 02:47

قصيده جـداً جداً رائـعـه لـ فهد المسآعـد اقرؤهـا بقلووبكم بعنـوان الأسـراااار ,,,,

يا رفيف الماء .. وفجر العيـد .. وأحـزان الموانـي
يا أكثر أهل الأرض طيبـة قلـب .. وأسـرار دفينـه

المكـان اللـي هنـا .. مليـان ضحكـات ، وأغانـي
والكلام اللـي بغيـت أقـول .. يحتـاج ل سكينـه !

شوفي الركن البعيـد هنـاك .. كنـه صـدر حانـي
هذا هـو اللـي يليـق ب شاعـر وبنـت حزينـه!

أنسـي الشـارع ، وعتمـات الـزوايـا، والمبـانـي
هاتـي يدينـك نلـف الغـيـم ونشـكـل مديـنـه !!

عنـدي الليلـة كـلام وصمـت .. وأخـاف الثوانـي
تظلمه .. أو تظلـم اللـي فيـه كـم ضاعـت سنينـه

بـس لازم تسمعيـن الـلـي أبــي ولا تـرانـي
لو ب أعيده لك .. نسيت .. ورحت أقول اللـي تبينـه

شي واحد قبل ما أبدأ .. مـا أبـي أي شـي ثانـي
يخطر ف بالك .. وأنا أكشف لك شعـور تجهلينـه !

إن أنا .. وبكـل مـا تحملـه "أحبـك" مـن معانـي
كنت، وراح أبقى أحبك .. لين .. مدري وش هو لينه !!

بـس والله ماقـدرت أنسـى .. ولا همـي نسانـي
لا ذكـرت إنسـان .. فيـه أسـرار مابينـك وبينـه

كـل مـا تطـري علـي فكـرة هـواك الأولانــي
أشعـر إنـي أنطعـن مليـون مـره مـن يديـنـه!

أشعـر إن عيونـك.. الله مـا خلقهـا إلا عشـانـي
كيف كانت تبتسـم لـه؟!.. قولـي إنـك تخدعينـه !!

صورة إنه كـان يمسـح دمعـك .. تزلـزل كيانـي
وكيـف كـان يلـم شعـرك .. ويتبعثـر فـي يمينـه

حتى اسمـك يـوم رحـت أدلعه .. حظـي رمانـي..
بنفس الاسم اللي يقول .. بذمتـك ماهـي غبينـه !؟

وكنـي اللـي .. كـل مـا أناديـك بالاسـم الفلانـي
أطلـب النسيـان .. يتـرك منـه شـي تذكرينـه !!

لا تظنينـي أنانـي .. لا .. أنــا مانـيـب أنـانـي
لو سلمت من الغرق . بـأموت في ظهـر السفينـه!

يا إني ما أكمـل وأعانـي .. أو أكمـل ثـم أعانـي..
كل ما اسمع طاري اسمه .. أو تجي عيني في عينـه!

أينا كـان الضحيـه ؟.. وأينـا اللـي كـان جانـي ؟
مـدري !.. ولكـن قـراري لازم إنــك تقبليـنـه:

.
.
.

مثل مـا أكـره فكـرة إنـه واحـدٍ ياخـذ مكانـي
ما أقدر أجلس في مكـان إنسـان.. كنتـي تعشقينـه!

فرآشــه ..