( يبه .. )

يبه وانا بعد اثنعش عـام حسيـت
اني قـدرت اقـول شـيٍ كتمتـه

ابطى قصيدي ماانكتب فيك وابطيت
اجر صوتي وارجع اجر صمتـه

ماودي اكتب بيت واندم على بيـت
ماهوب شعر الشعر كاني زهمتـه

الشعر كانه ماانحنى ليّّ .. ماجيت
ان ماعـزم مرثيتـك ماعزمـتـه

ان ماكتبته باازرق الدمع وابكيـت
كل الجـروح المبطيـه مارحمتـه

يبه وانا من بعدك ابـو التناهيـت
مامـر طعـمٍ للحـزن مانهمـتـه

يبه ( يبه ) كلمه وانا كل مااوحيت
كلمة ( يبه ) صديت والوقت لمته

يبه ( يبه ) كلمه وانا كـم تمنيـت
اهدم بها وابني بها اللـي هدمتـه

يبه وانا لاضقت رحت وتهجيـت
ركون بيـتٍ ضـم حلـمٍ حلمتـه

يومك تعلمنـي الامـن تحاكيـت
درس الحياه اللي كبرت وفهمتـه

هنـاك كانـت دلتـك لاتقهويـت
وهناك كان يساق طيـبٍ حشمتـه

وهناك ايه اذكرني هنـاك خليـت
طفلٍ مـلا بالدمـع دربٍ رسمتـه

هناك جاني انـك توفيـت
وهناك خاويت الشقـا واحتزمتـه

واليوم قلت اليوم يومـي ومديـت
كف القصيد وطاح شعر ونظمتـه

لكن بعد صمت اثنعش عام حسيت
اني عجزت اقول شـيٍ كتمتـه !!!!!!

فكــــره رآآآآآئعه كروعــة حظورك خيتوووو..,,

همس الاحساس..

مميزه دووووما بإنتقأتـــك..يسلمك ربي ويعافيك..

لاعدمـنــــآكِ..,,

تحيتي وودي وتقييمي لكِ..,,

(فهد المساعد )


قصيدة في خاطري كلمتين ..
"

"

"

مــن عــز نـومي صحيت وشفت في عيني
دمعٍ تهادى على جفني وانا غافي

سترت دمعي بكمّي قبل يغريني
وأخذت هذا الجسد من باقي لحافي

وسريت تايه ورى خطوات رجليني
لاالوجه وجهي ولاأوصافي هي أوصافي

أمشي وأقول لطريقي لاتودّيني
لعيون ناسٍ تبي تدري عن الخافي

أمانتك ....خلّها مابينك وبيني
خابرك يالدرب خوّة عمر وسنافي

ماودّي الناس تدري وش يبكّيني
كرامة النفس ورث أبوي واسلافي

أمشي وأحس الخناجر في شراييني
والبرد يمشي وراي وينهش اطرافي

وحيد والليل بردونه يغطّيني
تقول كن البلد روّح بها السافي

إلين ماأوحيت لي صوت يناديني
صوت أعرفه مثل ماأجهل وش خلافي

قمت أتلفّت وانادي لاتخلّيني
ماغيره...الصوت هذا صوته الدافي

ولمحت زوله من أقصى الدرب لافيني
مدري وش اقول لكن حي هاللافي

تعال...شف غيبتك كيف أثّرت فيني
تعال....شفني وانا أغرق عقب مجدافي

تعال...خذني ورحّـــبّــي من عناويني
تعبت أعدّي على جمرك وانا حافي

تعال واقطف بصوتك زهرة سنيني
كل المواعيد عقبك شمعها طافي

تعال وازرع خصل شعرك بكفّــيــني
بضمها لين أحس بليلك الظافي

تعال وش فيك خايف؟ انت ناسيني؟
قطعت صوتي عليك وطال ميقافي

حتى بديت أشعر إن الحب معميني
وإن أنت حلم عثى فيني وانا غافي

لكن امانة ترى اللي فــيّ كافيني
إن رحت منك كذا مارحت متعافي

بــصدّق الحلم واحذر لاتصحّيني
في خاطري كلمتين إن قلتها كافي

أمانة الله عليك إن غبت عن عيني
لايكون قلبك مثل قلب الزمن جافي

مع كل دمعة تــذكّـــر رعشة يديني
ومع كل ضحكة تــذكّــر قلبي الوافي

"

"

رآآآآآآآآآآآئعــه..,,

يااااااااااااربي من جد سبيعـــي يالبى السبعان والله <<بدت العصبيه القبليه

أترككم مع هالقصيده الرووووعه

صلاه وعناقيد

عدّى عمر .. ياليت الأعمـار تنعـاد
وأرجع بـلا شيـب وبليـا تجاعيـد

أرجع وأضم أبوي وأقـول: لا عـاد
تموت وتتركنـي مثـل ليلـة العيـد

يوم اسألوا عنـك الصبايـا والأولاد
وقلت:أمي تقول انـه مسافـر بعيـد

بكيـت ليلتهـا وناديت..مـا فــاد
وظليت أصوت لك .. وأناديك وأعيد

عوّد يا بوي وجب لي ثيـاب جـداد
يا كثر ما تنسى يـا بـوي المواعيـد

بكيتـك لحالـي وأنـا كنـت معتـاد
تكف دمعي بـإيد وتضمنـي بـإيـد

كم كنت محتاجك تجي كنّـك رقـاد
تمطر من كفوفـك صـلاة وعناقيـد

احتجت لك طفلٍ كسر قلب الأعيـاد
واحتجت لك طيش وشباب وتناهيـد

واحتجت لك شاعر له أحباب وأضداد
واحتجت لك رجال يخشـى المناقيـد

احتجت لك .. واحتاج لك ظل وسناد
العمر ينقص واحتياجـي لـك يزيـد

بصــــرااااااحه موضوع يستحق التثبيت يسلمووو يالغلا

وهذي أروع ما قريت لهذا المبدع..........



لاتسافر


قلبي لـه اليـوم .. ثالـث يـوم موجعنـي
وعيني لها اليوم ثالـث .. تجمـع طيوفـك


والبـال كنّـه عـلـى دربــك يوزعـنـي
ولسانـي ماكـنـه الا خـلـق لحـروفـك


لاالنـوم نافـع .. ولا التفكـيـر نافعـنـي
انام واصحى علـى الباقـي مـن وصوفـك


بالله قلي .. شعـوري هـذا وش يعنـي !؟
طمنّـي .. الله يطمـن هـمّـك وخـوفـك


بيني وبينك .. ترى اللي صـدق ضيعنـي ..
.. ان انت في اخر لقا .. شارح لي ظروفك


مدري وش اقول .. لكن تدري .. اسمعنـي
خابـرك وافـي .. و أبيـك تتـم معروفـك


ان كنـت نـاوي تسـافـر .. لاتودّعـنـي
بـس انتبـه .. لا تسافـر قبـل مااشوفـك

ولي عوده بإذن الله,,,,,

&الأميره&

ربي يسلمك ويعافيـك ع المرور الـ ع ــطر ..,,
لاتحرمينـا من وجوودك



شموخ

يسلموو ع هيك طلّــه
ننتظر عودتــك

أما هذي القصيده فـ/ بدون تعليق..

التفاصيل الصغيرة


ازعل عليك احيان
وأزعل على نفسي قبل ماأزعل عليك

وأرضى عليك احيان
وأرضى على الدنيا وانا راضي عليك

وأنت عمرك
مازعلت .. وماعتبت ... ومارضيت

أزعل علي لو كذب
أعتب علي لو كذب

هذي التفاصيل الصغيره
اللي تخلينا نحب

ماأحب انا ازعل عليك
ازعل انا لأني احب

***

ياأدفي من حروف الشعر
ياأرق من حلم السنين

إذا تركتك تنتظر
حسسني إن انتا حزين

مابي تقول مسامحك
قل : ماأبيك

وإذا رجعت اصافحك
أبعد يديك

أنا انجرح قبل اجرحك
وأبكي عليك

لكن أبي مره تحس
وشلون أنا أمووت فيك

هي التفاصيل الصغيره
اللي تخلينا نحب

ماأحب أنا أقسى عليك
أقسى أنا لأني أحب

***

أدري فيك تموت فيني
وأنا ميت من برودك

لي متى وانتا تبيني
وماتحسني بوجودك

ايه ... حسسني بوجودك

لمّ صوتي
بعثر حكاية سكوتي

لاتخلي الحب يفقد همسك العذب ويمووت
قل احبك ..
قل احبك بأعلى صوت

انا مليت السكوت


***

ياإبتسامة قلبي ولهفة حنينه
ياشقاه وياحنانه

يابعد كل المسافات الحزينه
معك امانه

الدروب اللي مشينا .. لاتضيع وتغترب

بالتفاصيل الصغيره
نقدر نعيش ونحب

لابد لنا أن نصل إلى النهايه ..,,


وهـ نحن نقف لـ نغلق باب الملتقى ,
ملتقى حمل من الروائع الكثير وأرتشفنا
نكهات تلك الروائع بـ إعجاب ,

أسبوع كان حافل بـ صحبة إبداع المساعد ,

أستمتعنا بما نثر هُنا من شامخات لامست
الأحاسيس ..,,

الشكر لـ كل من تفاعل في الملتقى وزاره ..,,


وعمق إمتناني للرائعه والمميزه الإحساس همس ,
على قيادتها الرائعه في تنظيم الملتقى ..,,

بـ هكذا يغلق ملتقى الشاعر فهد المساعد ,
لـ نستقبل شاعر آخر ونستمتع بـ روائعه ..,,




دمتم برعاية المولى ,,