ما اشبه اليوم بالبارح هالي صار لنا هالعطله وعدم مقدرتي على دخول الانتر نت ذكرني بكل عطله وبموضوع كتبته زمان\\
عن معاناتنا وعدم مقدرتنا دخول الانترنت
في وحده من العطل رحنا بيت جدتي وتعرفون الي مسلجين بالمنتديات مايقدرون يصبرون عن النت
ودهم يعرفون وش صار في مواضيعهم ومن رد عليهم
ومن سؤ الحظ سوير =ساره بعد الدلع خربان جهازها وحدنا ربي
على بنت خالي الثانيه والملقبه من قبلنا بالمسترجله والي غاثتنا وغاثينها لا حنا فاهمين عليها
ولا هي فاهمه علينا تقولون عجوز من العصر الحجري
كل شي عيب ومايصير اذا رجعنا من السوق وشافت ملابسنا
قالت عيب وحرام وهذي ماتنلبس
هذي الملابس!!اجل وشلون لو نقول لها نبي ندخل غرفة اخوك من غير مايدري
وندخل المنتدى من جهازه وكل وحده تشيك على منتداها
فقررنا مانقول لها ونتوزع حنا البنات على جميع مداخل البيت
الي على الجهاز = محدثتكم
والا فوق السطح مع الدربيل والي تحت دريشة الغرفه
الي بنت خالي جالسه فيها مع الحريم والي عند باب الغرفه والي بالحوش
المهم انهم يحرسوني من ولد خالي لا يشوفوني بفرقته
ومن المسترجله لاتشوفني في غرفة اخوها
ويوم دخلت الغرفه وفتحت الجهاز
والا الي ظربني مع قفاي ظربه خطافيه والتفت
والا هذي المسترجله
وساحبتن الي كانت تحرسها عند الباب و عندالدريشه في يدها
قلت خير ليه تضربين قالت انتي الي خير ليه بفرفة اخوي لو يدخل فجئه عليك
تاخذين عقله = تروعينه
قلت بسم الله عليك من زين اخوك والا من زين الي حواليه عشان انا الي اروعه!
لا وبعد ماهوب من زين الغرفه هذي موب غرفه مزبله تشبه غرف الشباب صح يا بنات
قالت وش عرفك بفرف الشباب قلت شفت صورتها بالمنتدى قالت وش المنتدى ويعني ايش
قلت مالك دخل وطلعت انا والبنات
وجلسنا نندب حظنا ونقول الحين هذي وش مصلطها
علينا ومتى تتزوج ونفتك منها ومن المنحوس الي بتطيح في كبده
فكانت المفاجئه ان اخو سوير يقول لامه تخطبها له
قلنا سوير وجعت جدي الحين ورى مامدحتي وحده منا لاخوك وش معنا هذي
المسترجله ومن مدحها؟
خاينه هذي سوير حاسدتنا الزواج قبلها هههههههه
قالت امها هي الي امدحتها تقول انها دايم جالسه عند الحريم ودايم اكمام ثوبها
طويله وثيابها واسعه وظافيه
هذي غير انها ماتروح الملاهي والسوق <<<اسمعوا يابنات>> هههههههههههه
وبعدين يااهات ترى انا مدحتك عند اخوي وحسب الاتفاقيه خلو خيرنا في خديرناااا
وشباب العيله لبنات العيله اخوي قال والله لو تخيطون جلدي بجلدها ما اخذهاااا
بسم الله احد يتزوج مصرقعه
قالت ريم تخيلوا يابنات تخيلوا بس لو المسترجله هذي تروح المستشفى
ويقولون انتي ولد سوي عمليه وتصيرين ولد هههههههه
وشلون نظرته مدري نظرتها لنا وحنا بعد لا ولو طلبت تزوج وحده منا ويكون اهات
قلت وع وع وع اعوووووذوا بالله اذبح نفسي ولا اتزوجه مدري
اتزوجها يالله قفلوا الموضوع
خلونا ننام اخاف تجينا كوابيس وخصوصا انا نتكلم عن المسترجله
كان كلام سوير بمحله وحدثت الطامه المسترجله تحولت بقدرت قادر ولد
اصلا هي كان واضح انها موطبيعيه ماتجلس معنا واذا جلست معنا تهاوشت معنا
مايعجبها كلامنا ولا تفكيرنا ولا طريقة لبسنا
انقهرنا منها دايم حظها زين انخطبت قبلنا والحين هي الي بتحول ولد وحنا لاااااا
لكن معليه حلال عليها ركوب السياره
المهم نرتاح منهاهم ارتاحوا =البنات
لكن انا لاااااا ابوي قدمني هديه له وقال ترى اهات جتك والليله عرسك
.
تهي تهي وشلون وكيف انا اصير زوجته انا الي كان حلمي اشتري اغراض
زواجي من الفيصليه والا المملكه الحين مافيه ولا حتى فستان عرس
لان الزواج باليل هذي والله البلشه اصلا كل ملابسي شافتها حتى الجديده
وريتها البنات وكانت عندناقصدي كان لانها صارت ولد حظها صارت ولد
لا وبعد بتزوج واذا تزوج الولد ماعليه الا انها يخيط ثوب
او ثنين ماهو مثلنا لازم قبل العرس باربعه شهور او خمسه وياليت تكفي
وشلون عاد انا الحين بيوم واحد وش اشري وش اخلي
تهي تهي مابي اتزووووج بهذي الطريقه
ابي اروح السوق والكوافيره ابي اصبغ واغير بشعري تهي تهي
وشذاالزواج مافيه ولا شي جديد المسترجله مدري المعرس شافني بكل الاشكال
وانا مبسوطه وانا زعلانه وانا مريضه
يعني مافيه شختك بختك مثل كل المعرسين قصدي بعض المعرسين
مايدري وشلون عروسه الا ليلة العرس وكلن وحظه هههههههه
لكن لا ياس مع الحياااه ولا حياة مع الياس وسوير موجوده
قالت سوير اصلا حتى لو لبستي او شريتي كل هذي ماتعجبه هماه متحجر التفكير
ودايم يسب ملابسنا يوم كان شبه بنت خلاص لازم نجدد ولازم تكونين عروس
تحمل كل الصفات الي يبيها من الحشمه والحياء ........ الخ
من الحشمه والتجديد بعد لانها دايم تروح مدري يروح الاعراس واكيد مل من
فستان العرس انتي بتلبسين فستان لكن موب ابيض
وقامت وجابت لي ملابس جدتي القديييييييمه حتى شيلتها والفضه الي كانت تحطها
على جبهتها مدري وش يسمونها
قالت البسيها هذي كم طويل واسعه والوانها شي حتى العبايه الجلسير
القديمه الي مغير تلمع جابتها
تهي تهي باله هذ ي ملابس عروس؟ قلت منيب لابستها
قالت بكيفك البسي واحد من ملابسك وشوفي كيف تحول اول ليله
هوايش ويمكن تصيرين مطلقه
انتي ناسيه انه كان يقول مو زينه يوم كان بنت ؟ وبعدين انتي لازم تحتوينه
<<<وش دخلها الحين
انتي ماسمعتيهم في طاش ماطاش يوم يقول لزوجته ابي وحده تحتويني خلاص
احتويه والبسي االي قلت لك
فوافقت مجبره اني البس ملابس جدتي الا زنوبتها لانها اكيد بتفقدها هههههههه
قلت طيب الملابس خلصنا منها جبت شي جديد ويناسب ذوقه الحين كيف اتكلم
اغير صوتي والا لا عشان التجديد طبعا هههههههه
وش الحوار الي بيدور بينا وش ارد عليه قالت وحده اذا قالك
وش اكثر شي كان يعجبك فيني
قولي كل شي اصلا انت ماصرت ولد الا من دعاي كنت اتمنى تصير ولد واتزوجك
قالت الثانيه
واذا سألك.. ولا امداها تكمل كلامها الا يوم صاحت علينا سوير لا غلط غلط
الحين البسها ملابس جدتي وانتم تروحون تخربون علي لاااااا
اصلا من يوم يدخل عليتس واذا قرب منتس على طول صيحي بصوت عالي
قلت وجعت جدي ليه مريضه؟!اصلا عيب اصيح قالت ياغبيه عشان بعدين
يقول هذي مؤدبه ولا تعرف شي لا وبعد اذا قرب استخدمي سلاحك = اظافرك
خربشي وجه قلت وجعتين والله ليه بس = قطوه انا ؟!
تبينه يطلع الجديد والقديم فيني ويستخدم هو سلاحه ويمحطني بالعقال لا مابي
اصيح ولا اخربشه
قالت خلاص بكيفك لكن اهم شي اذا دخل لازم تكونين لابسه عباتك
و متوزيه ورى الستاره
قلت ليه بنلعب استغمايه على قولتهم والله وناسه من بدايته لعب هههههههههه
قالت لااا كذا عشان يقول من زود الحياء وبعدين ترى جدتي كانت متوزيه عن
جدي كانت يتوزون مدري ليه ؟
ويوم دخل المعرس واطبق اول نصيحه = متوزيه ورى الستاره
وقام يدور الخبل بالحمام وبالدولاب وتحت السرير الا الستاره ما الومه
مسطره ورى الستاره وشلون يشوفن
وانا يذبحن الحر وانكتم لابسه كم طويل وعبايه ورى الستاره بعد
واستحيت اطلع قمت وعطست
عشان انبهه ههههههههه قال لقيييتك ويوم سحبني وشافني
ويفك يدي على طول قال اسف ياخاله
ماشفتي اهات ؟ قلت وجعت جدي انا اهات قال بسم الله الرحمن الرحيم
وشفيك كذا وليه لابسه ا كذاااا
وين ملابسك وين تيورك الوردي وطقمك الجنز والا البس لغيرنا هاه
وطراخ طاخ طيخ وصرت اصيح وسوير على بالها طبقت نصيحتها
وانا مانكبني الا نصيحتها
ويوم جا الصبح قال تعالي هنا من هم الشباب الي غرفتهم حوسه وش عرفك ان غرفتهم حوسه
طلعت الملقوفه مدري الملقوف ماتزوجني الا عشان يعرف السالفه
تهي تهي قلت هذا موضوع في المنتديات فيه صور لغرف الشباب
قال وشو المنتدى وكيف رحتي له ومن وداك؟؟
وشرحت له وقلت انا غلبانه تكفى اتركني
قال غلبانه وانتي تقولين اني مسترجله يوم كنت بنت وتقولين للبنات
لا يكلموني ولا يلعبون معاي اصلا البنات يحبوني لين تجين انتي
وتغيرينهم علي
قلت عشان كذا تزوجتني قال ايه وعشان انتقم منك بعد واحرمك الانتر نت
وانومك بعلقه واصيحك باختها
<<<<<حولته فلم هندي هههههههههه
فشعرت بالقهر والظلم واني ظيعت احلى ايام حياتي = العنوسه وافقت اتزوج ههههههههه
واجلس اصيح واصيح تحت البطانيه وتغرقت المخده
والا البنات يصحوني ويقولون اهات قومي قومي ولد خالي بيسافر
يعني وناسه بنروح الجهاز
وارفع البطانيه والا اول المبسوطات والمبتسمات والي يقومني
هو المسترجله = ادمنت على النت قلت وش جابك مع البنات هااااه
ويناظرن يمين ويسار قالن من تكلمين قلت زوجي قالن وش زوجك
ومتى تزوجتي وكيف تزوجين ماتعزميناااااا والا امي داخله
تقومني دريت انه حلم
واتعوذ من الشيطان ونروح لغرفة ولد خالي ونشغل الجهاز
لان ولد خالي سافروالمسترجله ادمنت على النت ههههههه
وتوته خلصت الحتوته
على فكره ترى ماعندي بنت خال مسترجله لكن بنت افكاري الله يهديها هههههههه
تقوووول الله يعين جدانا على جداتنا وش كانوا يسون فيهم ليلة العرس
مايستفاد من الموضوع
ليه زمان لازم ظرب وصياح ليلة العرس
ليه مافيه شوفه شرعيه
ليه الحين لازم تستعد الوحده قبل الزواج بكذا شهر لا وتقول مايكفي
الفرق بين زواجات زمان الحين زفه وكوشه والكل يشوف
وزمان متوزيه ورا الستاره ههههههه
زمان كان الزواج حظك ونصيبك لا تشوفها ولا يشوفك يا ترا غلط والا صح
العرض العادي
