آسف انا في حبي لـك تسرعـت
ظنيت الاقـي فيـك شـيٍ فقدتـه..

كنت احسبك مجروح مثلي تولعـت
جربت فرقى شخص قلبـك وهبتـه..

كنت احسبك من مر جرحك تجرعت
حبيت فيك احساس طفـلٍ لمحتـه..

لوقلت آآآه بوسط روحي توجعـت
ولو شفت دمعاتك شعوري سكبتـه..

ولو تطلب اعيوني ابد ما تمنعـت
واعطيك قلبي لو بعد مـا طلبتـه..

وصلت بك..... اعلى مكان وتربعت
وفي قلب غيري ياالغضي ماوصلته..

واصبر على صدك واشوفك تدلعـت
واعطيك ود ومـا اظنـك حسبتـه..

اذهلتني بطباعك اللـي ...تطبعـت
حتى قصيدي فيك ابد مـا فهمتـه..

لو كان غاياتك حروفي فانا بعـت
وافرح بجرح الشاعر الي جرحتـه..

وأرجوك من صدك تراني تشبعـت
خلك مع اللي عاجبـك او عجبتـه..

يكفي قهر في جيتي لك تواضعـت
تركت غيرك لجـل عينـك وبعتـه..

ياليتني عـن حـب مثلك..ترفعـت
ياليت قلبي قبـل اعرفـك دفنتـه..

لكن اببعد دامني بـك توهقـت
الله يرحـم حبنـا اللـي ذبحـتـه..

انا شريت الود والحين انـا بعـت
وانا عطيتك قلبـي اللـي قهرتـه..

في يوم جيتك اطلبـك ود واقنعـت
نفسي بانك شخص عادي عرفته..

كمل حياتك مثل مـا انـا توقعـت
تبقى اسير الماضي الـي فرضتـه..

ولا يحزنك اني غلطان وتراجعت

اللـــــــــــــه عليك رووووووووووووعة
بأنتظار جديدك

عافاك ربي وسلمك

شاكر لك الطرح المميز والرائع

سلمت اناملك وبارك الله فيك

وجعل ماطرحت في ميزان حسناتك

ننتظر جديدك المميز دوماً

تحيتي لك ..

عافاك ربي يالغلآ

وربي كلمات روووووعه

صح لسااانك وسلمت اناملك يالغلا

تحيتي لك