اسـتــــأذنــــــــــــــك
استأذنك
اطلع من الوهم الجميل
وادخل مساحات القلق
من تانى احفر فى السطور
واشطب خريطة عشق
مرسومة غلط
بالدمع 0 برنين الالم
مدن الوجع زادت
على القلب الشقى
ممتدة ما بين السما
والارض يحكمها الشجن
********
استأذنك
لو تسمحى
ابعد واتوه عن قصتك
وادخل فىنسيانك كهوف
واقفل بيبان الانتظار
لوعود مريضة ميتة
حضن الايدين بارد قوى
جوه عينيك سكوت غريب
ما ينتهى
حتى الاغانى اتلونت
بألف معنى بتتكتب
كدابة صارت وانتحر
حلمى وحلمك (ع) الغلط
استأذنك
لو تسمحى
ليلى خلاص
صارت عجب
ليلى عجب
مش عايزة قيس مجنون
ولا عايزة التعب
يا قيس عجب
عشقك جنون مرفوض
وعيب انك تكون
عاشق تعب
يا قيس خلاص
اصبحت من ليلاك
انسان وعادى كالبشر
وليه وكيف ؟
ملعونة كل الاسئلة
********
استأذنك
استسمحك
قولى لطيفك يبتعد
يخرج من الشرايين
وعن جسدى وروحى ينفصل
ارجوك يا وجع الوجع
قولى لطبفك يرتحل
يبعد معاه ذكراك واسمك
عنه حروفى البائسة
كل الثوانى بتفتكر
كل الثوانى بتتجرح
وتجرح القلب الحزين
*******
استسمحك
لا تسألى مين السبب
وبلاش تزيدى (م)الالم
احنا السبب
ولا الحكاية كات غلط
بدأت حبيبتى بدون سبب
مشينا فيها بدون سبب
خطانا تاهت مننا
وطريق طويل
مقدرش يحملنا سوا
ووصالنا هو الاستحالة الكاملة
ميت على باب اختفاء
كل الاماكن والساعات
والغنوة دايرة على الطريق
تنوح وتبكى وتشتكى
من غير سبب
عاشقين
لا نعرف
احنا مين
ولا كنا فين
ولا ليه ومين كان السبب؟
العرض العادي
