" السلام عليكم ورحمة الله وبركاته "


شــــلـــونـــكـــم ؟؟

حبيت انقل لكم قصيده الشاااعر المبدع " مـــحـــمـــد الـــجـــارالله الـــســهــلـــي "

لانهااا قمه في الابداع وهو دائمااا مبدع ابو جار الله

واليكم الابداع




أسبوع مرّ !! ولاوصل منك مرسـال
ياقوّ قلبك كيف تقطعنـي أسبـوع ؟!
**
الجوع كافر ! وانت ماترحـم الحـال
وانا عليك من الولـه ميـت ٍ جـوع
**
ياللي غيابك صعب يطري على البـال
تركتنـي ضايـق وحايـر ومفجـوع
**
ماكنّـي الا: شايـب ٍ فاقـد عـيـال
وماكنك الا: محرم ٍ حق مشـروع !!
**
يفوع لك قلبـي ليـا مـر الاطـلال
ياليت مالـي قلـب يشتـاق ويفـوع
**
حسبي عليك شلـون قطعـت الامـال
بآآآموت لاصار الامل فيـك مقطـوع
**
ياصاحبـي ماكـل نـزّال رحّــال
انت الحيّا من وين مارحت متبـوع !!
**
نسيانـي لـزول ٍ بالاعمـاق يختـال
اصعب على صاحبك من حبة الكـوع
**
لو الثمن في شوفتـك عمـر رجـال
كان الثمن من يوم ماغبت مدفـوع !!
**
ولو القدر مـا تـم قولـه ليـا قـال
ماضاق صدر ولا انحنى راس مرفوع
**
ياصاحبي عشقتنـي فعـل وخصـال
وانا عشقتك شعر واحساس وطبـوع
**
وشلون تتركني كذا لا اشهـب الـلال
وقدّام عيني تجف ينبوع .. ينبـوع !!
**
وانا عشانـك جيـت والغيـم همّـال
اسيّـل الوديـان واداحـم جـمـوع
**
ماردّنـي عنـك سواليـف عــذال
تزعل عليّ ربوع وتقـدّر ربـوع !!
**
كان المهم اعيشـك جنـون ووصـال
ويكون لي كلمه ولـي راي مسمـوع
**
واليوم ضاقت بي من الجـال للجـال
فرقاك تقصم ظهـر وتحـز وتلـوع
**
لو جيت شفت الحال ماسرّك الحـال
في غيبتك ضايق وحايـر ومفجـوع
**
هذا غياب اسبوع وشلون لـو طـال
طالبك .. لايطوّل غيابك عن اسبوع !!



دمتــــــــــــــــــــــم بخيـــــــــــــــر,,,,

ذوووووق اميرووووووه

سلمك واسعدك ربي لذوووقك

تحيتي لك

واليوم ضاقت بي من الجـال للجـال
فرقاك تقصم ظهـر وتحـز وتلـوع
**
لو جيت شفت الحال ماسرّك الحـال
في غيبتك ضايق وحايـر ومفجـوع
**

الله الله على جار القمر أبو جارالله..
قصيده جميله كجمال روح كاتبها ..

.. الأميرهـ ..

أشكركـ على إنتقائكـ الرائع ..,,

والله يعطيكـ العافيه ...,,

دمتي بخير ,,

لو الثمن في شوفتـك عمـر رجـال
كان الثمن من يوم ماغبت مدفـوع !!

هذا البيت يعدل قصيده

والله اني مدري وش اقول عن ذا القصيده أكثر من رائعه

يسلمووووووووووووووو بنت عموو والله ذوقك رفيع المستوى

تقبلي
مشاركتي و تقديري

صح الله لسااانه ,,
قصيدة أبداعية ,, والشاعر قريت له قبل فترة مبدع جداً ,,

تسلمي أختي &الاميره& على النقل الجميل ,,
تقبلي تحيتي ,,

مشكووووووووووووووووووووووووووووره اختي انتي مو اميره انتي قمر ياعسل

لو جيت شفت الحال ماسرّك الحـال
في غيبتك ضايق وحايـر ومفجـوع
**
هذا غياب اسبوع وشلون لـو طـال
طالبك .. لايطوّل غيابك عن اسبوع !!

الاميرة غلاتي صح لسانك


ولسان شاعرهاا


قصيدة رائعة


تقبلي مروري


دمتي بود،،،،،،

أشكركـ على إنتقائكـ الرائع ..,,

والله يعطيكـ العافيه ...,,

دمتي بخير ,,