تحّذر عدوك مرةٍ قيل في الأمثال
وتحّذر صديقك ألف مره ومراتي
عدوك بعيدٍ عنك لو صال ولا جال
ولكن صديقك معك في كل الأوقاتي
ترى الأصدقاء واجد وفيهم كثير أشكال
وفرق الروابع بين عدله وميلاتي
تجّنب تماشي اللاش ولا ردي الخال
تراك إن مشيت بدربهم شفت هفواتي
وأنا قلتها مما جرالي وشفت أهوال
سهيرٍ على طول الليالي ولا آباتي
أبي لي صديقٍ صادق العهد ما يحتال
ولا هو مدّور مصلحه أو مضاهاتي
صديقٍ الى زاد الحمل للحمل شيّال
الى زاد حملي فوق كل إحتمالاتي
ولا يستمع هرج العرب قيل ولا قال
يغض النظر عني دموحٍ لزلاتي
وصديق الرخا ما آبيه قَصِرْ الزمن أو طال
سريع إنسحابه عند قرب الملماتي
صديقٍ ردي عزوم يا علّه السلال
عساه المرض ويصير من ضمن الأمواتي
ومَنْ مثل ذا والله ما أشريه لو بريال
لو إن القدر بيده والأقدار عجلاتي
بأكب الرخوم ولاني مماشيٍ الأنذال
وأماشي الذي لـه دايم الطيب عاداتي
الأصدقاء 
العرض العادي
