سلام يابنوتات

خطوات سهله جدا للحصول على الاسود السموكي
لقيت هالصور عند بنت عمي بدون اي تعليق او خطوات
وحبيت اجيبها واعلق عليها حسب معرفتي وتجربتي مع السموكي
وان شالله يكون تعليقي على الصور
واضح ومفيد لكم
مايحتاج تكونين محترفه مكياج
فقط اتبعي الخطوات بالصور
وبتوصلين لنفس النتيجه النهائيه
تفضلي

الخطوة الأولى:


ارسمي خط بقلم الكحل الجاف بمحاذاة الرموش
وثقلي الخط وخليه "شوي" عريض اذا كحلك من النوع الخفيف،
لكن اذا هو ثقيل يعني الخط اذا رسمتيه بيكون كثيف
حاولي ماتعرضينه كثير..
الخطوة الثانيه

استخدمي فرشة لتوزيع ونثر الكحل على الجفن
انا ماستعمل اللي بالصورة
استعمل بدالها هذي:


راسها اسفنجي وهي اساسا لتخفيف الكحل على الجفن السفلي
لكن استخدمها للسموكي لاني احبه اخف من درجة السواد اللي بهالصور
الخطوة الثالثه



استمري بنثر الكحل وتوزيعه على الجفن حسب الرسمه اللي تحبينها
سواء مثل الصور او بزاويه مختلفه
حسب اللي يناسب رسمة عينك
ولو ان الشكل اللي بالصوره هو انسب وافضل شيء للسموكي
لكن بعض البنات مايحبون هالشكل..
اطراف الظل بتكون خفيفه وحاولي ماتخلين اللون محدد على شكل خط دائري مستقيم
وبالفرشه خلي النهايه ضبابيه شوي
واذا ماضبطت النهايه معك
بآي شادو بودرة اسود عدليها بس على خفيف..
آخر شيء
ارسمي خط داخلي بالكحل على الجفن السفلي
وخط ثاني خارجي على اطراف الجفن تحت خط الرموش
واستعملي فرشة آي شادو صغيره وانثري فوق خط الكحل شوي آي شادو اسود
عشان يصير من تحت سموكي بعد..
وحطي ماسكرا
وتوصلين لهالنتيجه الحلوة:


ان شالله تكونون استفدتم
واذا فيه اي استفسار انا حاضره
وان شالله يكون كل شي واضح

تحياتي للجميع