راح الغرام وكـل شي(ن)طوينـاه
كل(ن)تقفى وابتعـد فـي سبيلـه
لحظـة عنـاد إللـي بينناهدمنـاه
في سيل هجر(ن)مارحمنا بسيلـه
كل(ن)تناسا والغـلا مـا نسينـاه
بقلوبنا ثابـت ولحـد(ن) يزيلـه
من يوم فارقته على البال ذكـراه
من يوم ماراحت عيونـي تخيلـه
لو ابتعـد مافكـر القلـب يجفـاه
ولاكنت أفكر يهتـوي لـه بديلـه
أيّست من حبه وشوفـه وطريـاه
وأيّست من عقب البطا شوفتي لـه
لاشـك بالصدفـه تقابلـت ويـاه
من بعد غيبات السنيـن الطويلـه
شفته وكل(ن)هل دمعه من أقصاه
حتى الجسد عيّا القـدم لا يشيلـه
أقبل ويمسح دمـع عينـه بيمنـاه
من شوفة(ن)فيها الأمانـي قتيلـه
كل(ن)ذكر ذاك العنـاد وخفايـاه
وآخر عهود الذكريـات الجميلـه
المشكلـه ماهـي بشوفـه ولقيـاه
المشكلـه شي(ن)يزيـد المليـلـه
معها صغير(ن)توها تدرج خطـاه
يمشي يباريها وهي تحتمـي لـه
ماخذ ملامحها حلا فـي حلايـاه
سميت بالرحمن من نظرتـي لـه
جيته وضميتـه ودمعـي تغشـاه
ماغير أضمه في يدينـي وأشيلـه
قالت خلاص أرجوك يكفي معاناه
قطعت قلبي وش بقى نلتجـي لـه
غلطت عمر مني ومنـك تركنـاه
ذاك الغـرام إللـي بقلبـي عليلـه
من يوم فارقتـك وقلبـي ببلـواه
طيفك معه في كـل يوم(ن)وليلـه
عسـا العنـاد الله يلعـن سوايـاه
إللـي طوانـي بالهمـوم الثقيلـه
والحين بعدإللي حصل ويش نرجاه
شي انتهـى مافيـه باليـد حيلـه
كل(ن)عسى الله يسعده في نوايـاه
هذا قدرنـا والقـدر ننحنـي لـه
ردت تـقـول أسـألـك بالله بالله
حبك ـلطفلي ويـش معنـى دليلـه
من يوم ماشفتـه أشوفـك تنشـاه
كنه غلا روحـك وقلبـك عديلـه
كنك تبـي قربـه وكنـك تمنـاه
مستغربه من فوق صدرك تشيلـه
وش هالغلا حبك ودمعك على شفاه
ضميته بصدرك وكنـك دخيلـه
قلت الغـلا هـذي بتالـي بقايـاه
طفلك أشمه لجـل قربـك أخيلـه
قلت المثل ياخال أحبـك ومعنـاه
من ريحة أمي فيك ريحـه مثيلـه
وسلامتكم
العرض العادي
