"بسم الله الرحمن الرحيم"
أبفتح كل صفحاتي وأبحكيلك من الوجدان
وانا أترجاك تسمعني وتعرف كل مافيني
أنا ليلٍ طواه الهم وفجره للأسف مابان
ظلامه زايد عتمه ولابه نور يضويني
أنا بحر عميق القاع وموجه يشبه الطوفان
ولابه زورق يرسي على سطحه يسليني
أنا عمري ولحظاته..الم مع هم مع أحزان
كتمت الجرح في صدري وناره حيل تكويني
عطيتك كل ماأملك ومايغلى عليك هان
أبيك تكون..لي وحدي..حبيب وماتخليني
بنيت بداخلي((قصر))أبيك تكمل البنيان
لقيتك هادم((قصري))وساسه بدل بطيني
يهل الدمع من عيني أذا شفتك علي زعلان
وادور كل مايرضي ضميرك يامعنيني
تحملت الطعون وقالتلك باكر تصير أنسان
وبدل ماتشفي طعوني..بسكينك تعاديني
نهاية حبنا بانت..بروح لعالم النسيان
حلفت أنساك ياخلي..وانا ماأبيك تطريني
انا عندي كرامة وانت صعب أنك تهين أنسان
يصون العهد في حبك خسارة طحت من عيني
انا ماأخون ياخاين وحبي ماعرف نقصان
بتمم كلمتي وأنهي غرامك من شرايني
...............................................ولا تبخلوا بردودكم تراهـــا((تهمني)) مـــــع حـــــــــــــبي..
العرض العادي
