الحب لو كان فـارس كـان نازلتـه


الأرض أرضي وذا الميدان ميدانـي


الحـب كايـد ولكنّـي تساهلـتـه


يا لعنبو ذا المحبّه كيف تجفانـي ؟


احلى تعامـل مـع قلبـك تعاملتـه


وأرقى مشاعر محبّه وسط قيفانـي !


حتى الخط بـس لعيونـك تجاهلتـه


وان زاد همّي علي قلت العمر فانـي


يا نااس قلبـي معذّبتـه ومهملتـه


من بعد ما كان عالي صار متدانـي


( تقول ) : قلبي انا ذالحين قافلتـه


يستاهله واحدٍ للحين مـا جانـي !!


( وانا أقول ) : الحكي كلّه تحملتـه


وسريت لجلك طريق الليل وحدانـي


والموت فزّيت في وجهـه وقابلتـه


لأن العمر بيد ربّي عالـي الشانـي


فكّـرت بالوضـع ورتّبتـه وحللتـه


لقيت كـل النتايـج وضعهـا ثانـي


يا واحدٍ في شعـور الحـبّ بادلتـه


ميّز دروب الوصل عن درب حرماني


للقلب عندك ملف .. خلّص معاملته !


أبغيك تختم علـى قلبـي ووجدانـي


ما دام حبّك مرض تصعب معادلته ؟؟



بأقـول يالله يـا معبـود تبـلانـي




وسلامتكم

عافاك ربي وسلمك يالغلا

شاكر لك الطرح المميز والرائع

سلمت اناملك وبارك الله فيك

وجعل ماطرحت في ميزان حسناتك

ننتظر جديدك المميز دوماً

تحيتي لك ..