يا رعشه القلب المسافر لي مواني الأنتظار
يالهفه العين اللي حنت لي فصول الانكسار
يا لوعه الروح اللي قالت بكره حيجينا نهار
يا شعب لسه ف قلبه حلم الانتصار
عدت قوافل للأمل
متلفحه بتوب الخجل
وابت تنذل حملها
للأجل الصغار
انا قلبي حاسس بالمرار
بعنيا شايف الف دار
لسه يبغزوها التتار
يا امتي ...
ليه تستخبي ف الجدار
ليه البكي ف عنيكي باين
وف ايديكي الف طار (دف)
تتغني للحريه وانتي
للعبوديه شعار
يا امتي ليه القرار
ف ايدين كلاب
وولاد كلاب
رغم الكلاب
ليها الشرف والافتخار
انا بأعتذر
موش خوف ولكن للشهيد
واجب عليا الأعتذار

ممكن أقول
ولا الكلام مبقاش يقول
لما العقول تصبح عجول
والقرد يصبح فينا غول
تاني ممكن ايه اقول
لما الكلام مبقاش يحول
بين الديابه والوعول
يا ارض غابه
كل ما فيها ذهول
بس اللي اذهل من ذهولك امتي
كرمها ربي وهيه ذلت نفسها
وباقتدار
الشاعر.د. كنغ مان