حبيب قلبى .. حبيب بكره .. حبيب أمسى
حياة روحى .. نسيم عمرى .. ونور شمسى
بعيد عنك .. بعيش جرحى .. تضيع نفسى
ومن غيرك .. بتوه واضعف .. واشوف يأسى

حبيبى..قبل منك..
كنت وسط غيوم وبرد
قلبى نفسه يلاقى حد
جيت قابلتك .. شفت انك
أخر ملاك ممكن يعيش ع الأرض
شفتك ملاك ف توب انسان وبين إيدى
وحسيتك وحبيتك وسكنتك ف تنهيدى
ولما منى بتقرب بيبقى اليوم ده يوم عيدى

حبيبى .. قبل منك..
حلم السنين اختفا
شمع الحنين انطفا
جيت قابلتك .. عشت جنبك
شفت إيه معنى الوفا
مين زيك فى الدنيا… بحالها ومين ده يكون
جنبك طعم حياتى بيحلى ... جنبك كل جراحى تهون
ولو كل القلوب خانت ... مستحيل قلبك يخون