عجز الصبر ياناس يصبر عليّه
عجــز الصبر ودقــيق العـــود مالان

يكـــوي ضلوعي كـيّة بعد كـــيّه
واصبر واقول الوقت لا ما بعد حان

لاشفت زولــه مقبل قلـت حــيّه
ثـــم تعــــداني وانــــاظره حيـــــــران

أشوف زولــه كـل روحه وجيّه
هو سلـــوتي ولاّ الوصل منه مابان

يـــازين ماترحم ولا تحس فيّه
وانا اللذي في بحـــر فتنتك غرقان

إرحــم عليل عايــف كل حــيّه
لجلك يعاف الخلق من انس وجان

يـازين هل الصد لك فيه نيّه ؟
ولاّ اتعـــلق بالأمــــــل ويش ماكان

ولاّ أقـــول لصـاحبك واهنيّه
أنا أشهد انه بشوفتك اسعد انسان

واصير انا للصبر دايم خويّه
وأعــــاهده عهــــد إننا دوم خلاّن