بسم الله الرحمن الرحيم..
من فلسفتي بالحياه مجموعه من العبارات اعنونها بعنوان..
كلمات زادتني همه..
منها مانعرفه ومنها ماقد عايشناه بحياتنا والبعض منها نتاج ماتعلمته من السابقه..
جمل وعبارات بجد تتدخل الان بكل اموري صغيرها وكبيرها من شدة تعلقي بها أصبحت أسطرها بكل كتبي ودفاتري حتى أتذكرها بكل شي وبكل وقت وعند كل موقف..
ابدأها دائما بدعاء هو رئيس هذه العبارات..
حبيت أن تشاركونني هذه العبارات لأنها تستحق أن تقرأ وأن نعمل بها..
منها ماهو حكمه ومنها ماهو مثل ومنها ماقد قيل كبيت من الشعر..
ومنها ما إستنبطته من حياتي..
هذه الكلمات أنا قد زادتني همة وارجوا أن تزيدكم همم..
"عبارات زادتني همه..ودفعتني للامام.."
*((اللهم إني أسالك إيماناً دائماً وأسألك قلباً خاشعاً وأسألك علماً نافعاً وأسألك يقيناً صادقاً وأسألك ديناً قيماص وأسألك العافية من كل بليه وأسألك تمام العافية وأسألك الشكر على العافية وأسألك الغنى عن الناس))
*"من رفعك فوق قدرك كذبك"
أنا تفسيري لهذي لانه مافيه شخص اعلم من نفسه بنفسه يعني لو قالوا لشخص انت شجاع وكريم ومقدام وهو مايحمل منها أي شي وعارف بهالشي يكون يكذب على نفسه وصدق مجامله لكن الي يقول شي فيك بس انت من تواضعك تقول اني ماني قد هالكلام يكون الوضع مختلف ليه ابين هالشي لان كل من قلت لهم قالوا لا خطأ فأنا بغيت اوضح وجهة نظري بهالمقوله..
*"طبيب يداوي الناس وهو مريض"
هذا الشي نلقاه كثير باللي يضحون من اجل الغير كالطبيب يعالج مرضاه وهو بنفس الوقت يكون مريض ويعجز عن علاج نفسه ..
كمان مثل اللي اشخاص كثير يتسمون بهالزمن مغفلين لانه طيبين وغيرم يبدونهم فوق نفسهم زيي انا انصدم دائما بهالكلمه من ناس اساعدهم بس طبعي مااغيره لأني مقتنعه فيه..
*"ليس خطأ أن تعود أدراجك مادمت قد مشيت في الطريق الخطأ"
هذي المقوله مره رائعه لانها تعطيني دافع نتراجع عن خطأنا بس لو الكل عمل فيها مابتتشوه نظرتنا للشخص اللي اخطأ ورجع عن خطأه بالعكس هذا يخلي الكل يتراجع عن الخطأ بدون خوف من كلام الناس لان الكل بيعامله على انه سوى شي عظيم لانهم عملوا بهالمقوله..
*"ماأقسانا على أخطاء غيرنا وماأرأفنا بأخطائنا"
هذي المقوله ترتبط مع السابقه بشي اننا نخطئ ونشوف نفسنا عادي ولو غيرنا اخطأ نفس الخطأ ويمكن اقل نشوفه شي كبير ولو اننا كبرنا اخطاءنا وصغرنا اخطاء الغير بنتجنب الخطأ ولو اخطانا مانتعيب من الاعتراف ونغير رأينا بالشخص التائب عن الخطأ.
*"إننا لانصنع المعاناة..ولكن المعاناة تصنعنا"
هذي العباره تحيرني كثير..
لما اتفكر فيها كل يوم اطلع بمعنى جديد وشي اكبر يعني اننا نكون مع كل ازمه بشكلين حسب الصدمه والمعاناة اما انها تصنع فينا الامل او العكس ونصير قسمين ناس تصنعهم معاناتهم بايجاب وناس بسلب..
بس برضه كل يوم اكتشف شي جديد بالمقوله..
*"تزاوروا ولا تجاوروا"
هذي المقوله قريبه من مثل عامي القرايب عقارب ويمكن اكثر وبرضه من مقوله ثانيه شعبيه خلك بعيد حبك يزيد تجي عالاقارب وعلى الجيران يعني بعض اوقات تصير نقمه ماهي نعمه فانا بذاتي مااحب اني احتك بمن حولي كثير عشان مايجي وقت يصيرون يتدخلون بكل شي بحياتي زي مايصير في كثير من العوائل والجيران والاقارب..
*"لن تستمتع بالحياة إلا إذا تقاسمتها مع الآخرين"
مثل يد زاحده لاتصفق يمكن مافيه مقارنه بالمعنى الظاهر بس لما نتاملها نلقاها نفس الشي لانك لحالك مابتقدر تسوي شي لازم يد ثانيه يعني شخص ثاني يعينك بكل شي بحياتك وشغلك الثقيل واشياء كثير حتى بالخصوصيات بعض اوقات تحتاج لشخص يشاركك فيها لان الانسان بطبعه اجتماعي..
وسعادته بمفرده شي تافه ماتدوم ويحس بانها مالها داعي حتى لو قال الا انا احب الوحده بيجي له وقت يبي احد يفرح معاه يونسه ويشاركه بعد احزانه زي ماكان يحتاج احد يشاركه اموره يعني بصفه عامه حنا اجتماعين ولازم لكل فرد فرد ثاني يكمله واغلب الاوقات المكمل الامثل الزوج ..
*"أسعد القلوب التي تنبض للآخرين"
تشاركهم هموهم وفرحهم وتساعدهم وتعطيهم كل شي تحس بلذه التضحيه والتآلف وانا هالمقوله كتبت لها تعبير بسيط يعتبر مقوله لكن لي انا كشخصي من تعبيري وهي "قلبي ..قد رهنتك لغيري وكسبت الرهان"
*"الضربات القويه تهشم لزجاج ولكنها تصقل الحديد"
هذي مهما كتبت وكتبت يبقى كلامي قليل قدامها بجد معانيها كبيره واكبر من انها تتفسر بكلمتين ولكن باقول شي بسيط وانتم اضيفوا فلسفتكم تجاهها بانفسكم هذي المقوله علمتني ماافقد الامل عند أي صدمه او اني اتحطم ومهما تحطمت اقوي نفسي لاني مفروض اخذ هالصدمه من ناحيه ايجابيه وانسى السلبيات انها علمتني درست مو شرط باول وقوعها لكن مااتمادى بالتاثر وافقد القوه اللي جواتي حتى تضيع للابد وماعاد القاها..
هذي بعض من مقولات زادتني همه..
صراحه تعبت اكتب هههههههههههه
راح اكمل لكم في موضوع ثاني يارب..
اتمنى ان مقولاتي عجبتكم واني قدرت اوصل فلسفتي بشكل واضح.
للجميع تحياتي..
همس المشاعر..
رقم العضوية : 7194
