السلام عليكم ورحمة الله وبركاته

هذه قصيدة بمناسبة

مزاين الإبل " الخاص بقبيلة الدواسر ،

وعندما أنتهى تسليم الجوائز أقام الدواسر مزاين آخر للضيوف اللذين حضروا وذلك على حسابهم الخاص ،

وكان للشاعر/ دسمان بن مناحي السبيعي رأي في هذا الموقف فقال هذه الأبيات يمدح بها الدواسر :




يازين فعـلٍ يادواسـر فعلتـوه *** فعـلٍ سبقتـو فيـه كــل القبـايـل



حتى لو إن الناس بعدين سـووه *** أنتم هلـه مـن قبـل وأنتـم الأوايـل



قلتو كلام للضيـوف وحميتـوه *** وعاداتكـم بالضيـف فعـل الجمايـل



يوم المزاين بينكـم مااحتكرتـوه *** مـاعـودو ضيفانـكـم بالفـشـايـل


من كان معه مشاركة مامنعتـوه *** ماقيـل ذا واجـد وذولـي قـلايـل


بينتو العلـم الجميـل ورفعتـوه *** للـي يحسّـب دقـهّـا والجـلايـل


تستاهلون الطيب ياللي عملتـوه *** ويفوز بالطـالات مـن كـان طايـل


ماهمكم مال العنا لـو جمعتـوه *** ما باقـي إلا الفعـل والمـال زايـل


هذا طريـق للنشامـا رسمتـوه *** إلا الذي سلمـه عـن الطيـب مايـل


قررتو الدرب الصحيح وفرضتوه *** مثل القلايـد فـي رقـاب الأصايـل

الشاعر: دسمان السبيعي