الزمن لاصار ضدك واحتوى درب المصايب
لاتحاول تنكسرله لاتزيد الطين طينه
للزمن حكمه غريبه تحكم بدرب الصعايب
وياكثر من ضيع الفرصه وهي فرصه ثمينه
عز نفسك في زمانك لا تقول الحظ خايب
وسق عمرك للمعالي وأكسر النفس الحزينه
والطريق اللي تشوفه يرسم الدنيا عجايب
مد يدك في طريقه لين ماتمسك يمينه
والرفيق أن طال وقته لاتحاتي . وكل غايب
حجته دايم معاه ولاتقول فلان وينه
ولا تكابر بالمصيبه لاحكوا بأغلى الحبايب
قول غالي وكل غالي تكرم لعينه مدينه
والبلا وأكبر مصيبه لاتناسوك القرايب
وتصبح الدنيا ظلام وتصبح اللحظه لعينه
وقتها لاعاد ينفع لاعتاب ولا طلايب
والزمن.. والحظ الأقشر..العنه والعن سنينه
م ن ق و ل
ــــــــــــالية 
العرض العادي
